Марија Дуковска-Павловска е член на Одборот на директори и генерален директор на Макстил АД Скопје, функција што ја извршува од февруари 2022 година. Со долгогодишно искуство во раководење со комплексни индустриски и финансиски организации, таа е докажан лидер во спроведувањето на трансформациски иницијативи, корпоративно управување, ESG стандарди и унапредување на организациските перформанси.
Нејзината кариера се темели на богато искуство во производствениот сектор (електронска индустрија) и банкарството, надополнето со меѓународна експертиза во невладиниот сектор, каде раководела со проекти за развој и финансиско управување низ Југоисточна Европа. Пред доаѓањето во Макстил, Марија извршувала високи раководни функции, вклучувајќи позиција на генерален директор на KEMET Electronics Македонија и HR директор за Источна Европа.
Марија е дипломиран економист (УКИМ, Скопје) и магистер по економски науки (Универзитет „Јосип Јурај Штросмаер“, Осијек). Покрај формалното образование, таа е сертифициран NLP тренер, Mindset Map Coach и фасилитатор на меѓународни програми како FranklinCovey и SDI. Како амбасадор на „Women on Boards Adria“, таа активно се залага за родова еднаквост и поголема застапеност на жените во управните структури.